كۆنووسی یەكەمین كۆبوونەوەی لیژنەی بەدواداچوونی تەكنیكی پرۆسەی دڵنیایی جۆریی

كۆنووسی یەكەمین كۆبوونەوەی لیژنەی بەدواداچوونی تەكنیكی پرۆسەی دڵنیایی جۆریی زانكۆی سەلاحەددین

ساڵی خوێندنی 2017-2018

ڕێكەوت: سێ شه‌ممه 3/10/2017.      

كات: 10ی سەرلەبەیانی                 

شوێن: بەڕێوەبەرایەتی دڵنیایی جۆریی/ سەرۆكایەتی زانكۆی سەڵاحەدین.

بەپێی فەرمانی زانكۆیی ژمارە 1/1/10321 لە ڕێكەوتی 20/9/2017 لیژنەیەكی تایبەت بە بەدواداچوونی تەكنیكی بۆ پرۆسەی دڵنیایی جۆریی پێكهات، لیژنەكە یەكەمین كۆبوونەوەی خۆی ئەنجامدا. لەسەرەتاى كۆبوونەوەكە بەڕێز (د. نبیل عادل فخری) بەرێوەبەری دڵنیایی جۆری زانكۆ بەخێرهاتنى ئامادەبووانی كرد، پاشان، ئەم خاڵانه‌ی خوارەوە تاووتوێكرا:

یەكەم: بەڕێز بەڕێوەبەری دڵنیایی جۆریی چوارچێوەی كارەكانی لیژنەكەو میكانیزمی جێبەجێكردنی ئەركەكانی بۆ ئەندامانی لیژنەكە ڕوونكردەوەو پاشان پێشنیاركرا كە هەموو دوو هەفتەجارێك ئەندامانی لیژنەكە بەدواداچوون بۆ كارەكان بكەن و ڕاپۆرتی خۆیان پێشكەش بە بەڕێوەبەری دڵنیایی جۆریی بكەن.

دووەم: سەبارەت بەدەستنیشانكردنی بەرپرسی دڵنیایی جۆریی كۆلێژەكان و بەرپرسی پەرەپێدانی پرۆگرامەكان، پاش ئاگاداركردنەوەی سەرجەم بەكۆلێژەكان بەنووسراوی ژمارە 3/10/10047 لە ڕێكەوتی 14/9/2017، تاوەكو ئێستا تەنها كۆلێژەكانی (ئەدەبیات، بەڕێوەبەردن و ئابووری، ئەندازیاری، پەروەردەی شەقڵاوە) وەڵامی نووسراوەكەیان داوەتەوە، بۆ ئەو مەبەستە پێشنیاركرا ئەندامانی لیژنەی بەدواداچوونی تەكنیكی، لەڕێگەی سەردان كردنی كۆلێژەكانەوە بەدواداچوون بكەن بۆ ئەو كۆلێژانەیتریش كە تاوەكو ئێستا وەڵامی نووسراوەكەیان نەداوەتەوە.

سێیەم: ئاماژە بە خاڵی یەكەم لە بڕگەی یەكەمی سێیەمین كۆنووسی كۆبوونەوەی لیژنەی گازاندەكان سەبارەت بەڕاسپاردنی سەرۆكی لیژنەی تاقیكردنەوەی سەرجەم كۆلێژەكان كە ئەنجامی تاقیكردنەوەكانی خوولی دووەم بەشێوەی ئۆنلاین و لەڕێگەی سەبدۆمەینی وێبساتی زانكۆوە بدەنەوە بەقوتابیان، بەسوپاسەوە كۆلێژی ئەدەبیات و كولێژی زانستە ئیسلامییەكان و كۆلێژی كشتوكاڵ زۆر بەسەركەوتوویی پرۆسەكەیان ئەنجامدا، بۆئەو مەبەستەش پێشنیاردەكەین كە سوپاس و پێزانینی سەرۆكی زانكۆ ئاراستەی ئەو بەڕێزانە بكرێت كە ڕۆڵیان هەبووە لە جێبەجێكردنی ئەم پرۆسەیە لەو سێ كۆلێژە.

چوارەم: سەبارەت بە دەستپێكردنی هەنگاوی یەكەم بۆ دروستكردنی ئیمەیڵی فەرمی بۆ سەرجەم قوتابیانی زانكۆ، پێشنیاركرا كە فۆرمێكی تایبەت ئامادە بكرێت و پاشان بەهەماهەنگی ئەندامانی لیژنەی بەدواداچوونی تەكنیكی لەگەڵ سەنتەری ئای تی ئیمەیڵ بۆ سەرجەم قوتابیان دروست بكرێت.

پێنجەم: سەبارەت بە ئامارو زانیاری تایبەت بە مامۆستایان و ستافی ئەكادیمی، پێشنیاركرا ئەندامانی لیژنەی بەدواداچوونی تەكنیكی بە سەرجەم زانیارییەكانی داتابەیسی تایبەت بە مامۆستایاندا بچێتەوە بەجۆرێك كە ئامارێكی ووردو تەواوەتی مامۆستایانی سەرجەم كۆلێژەكان ئامادە بكات.

شەشەم: سەبارەت بە بونیادنانی داتابەیسێك بۆ (كۆرسبووك)ی سەرجەم بابەتەكانی گشت قۆناغ و بەشەكانی كۆلێژەكان، لیژنەی بەدواداچوونی تەكنیكی ڕاسپێردران بەهەماهەنگی لەگەڵ بەرپرسی دڵنیایی جۆریی كۆلێژەكان هەموو كۆرسبووكەكان كۆبكەنەوە و لەسەر وێبسایتی دڵنیایی جۆریی ئەپلۆدی بكەن تاوەكو ببێتە ستانداردێك بۆ هەموو بابەتەكان.

ئامادەبووانى كۆبوونەوەكە ئەم بەڕێزانەی خوارەوەبوون:

ژ

ناو

 كۆلێژی

ئیمێل

1

پ.د.نبیل عادل فخری

بەڕێوەبەر

nabil.fakhre@su.edu.krd

2

د. حيدر عبدالله حداد

زانست

Haider.haddad@su.edu.krd

3

د.هجران  صنعان جبار

زانست

hijran.jabbar@su.edu.krd

4

م.هەردەوان محمود كاكەشێخ

ئه‌ده‌بيات

hardawan@su.edu.krd

5

م.ی. كانياو اسماعيل محمود

كشتوكاڵ

kanyaw.mahmud@su.edu.krd

6

م.ی.توانا محمد علی

كشتوكاڵ

twana.ali@su.edu.krd

 

به‌م شێوه‌يه‌ دواى دوو كاتژمێر كۆبوونه‌وه‌كه‌ كۆتايى هات، لە كۆتایدا كۆبوونەوەكە داخرا.

 

م.هەردەوان مەحمود كاكەشێخ

       بڕیاردەری ليژنە       

             پ.د.نبیل عادل فخری

             بەڕێوەبەری دڵنیایی جۆری زانكۆ

 

Leave a Reply

Your email address will not be published. Required fields are marked *