كۆنووسی سێیەمین كۆبوونەوەی لیژنەی گازاندەكان

كۆنووسی سێیەمین كۆبوونەوەی لیژنەی گازاندەكان لە پرۆسەی دڵنیایی جۆریی زانكۆی سەلاحەددین

ساڵی خوێندنی 2016-2017

ڕێكەوت: سێ شه‌ممه 12/9/2017.      

كات: 10ی سەرلەبەیانی                 

شوێن: بەڕێوەبەرایەتی دڵنیایی جۆریی/ سەرۆكایەتی زانكۆی سەڵاحەدین.

سەرەتا بەڕێز (د. نبیل عادل فخری) بەرێوەبەری دڵنیایی جۆری زانكۆ بەخێرهاتنى ئامادەبووانی كرد، ‌ پاشان ده‌ستخۆشى لە ئەندامانی لیژنەی گازاندەكانی پرۆسەی دڵنیایی جۆریی كرد، لە بەرامبەر ئەو هەوڵ و كۆششەی داویانە بۆ وەڵامدانەوەی گازاندەی مامۆستایان لە ئەنجامەكانی پرۆسەی دڵنیایی جۆریی و هيواى بەردەوامی و سه‌ركه‌وتنى بۆ خواستن، پاشان ئەم خاڵانه‌ی خوارەوە تاووتوێكرا:

یەكەم: جەخت كردنەوە لەسەر بایەخ و گرنگی ئەو پێشنیارانەی كە لە كۆنووسی دووەم كۆبوونەوەی لیژنەی گازاندەكان پێشنیاركران، هەرچەند دەبوو ئەو خاڵانەی پەیوەندی بە لیژنەی تاقیكردنەوەكانی خوولی دووەمە هەیە لە سەرجەم كۆلێژەكان جێبەجێ بكرانە، بەڵام بەپێی بەدواداچوونی بەڕێوەبەری دڵنیایی جۆریی هیچ كام لە پێشنیارەكان جێبەجێ نەكراون. كە پێشنیارەكانیش بریتی بوون لەمانەی خوارەوە:

1-ڕاسپاردنی بەرپرسی لیژنەی تاقیكردنەوەكانی هەمووی كولێژەكان كە ئەنجامی تاقیكردنەوەكانی خولی دووەم بەشێوەی ئەلیكترۆنی و لەسەر “سەبدۆمەین”ی وێبسایتی زانكۆی سەڵاحەدین بدرێتەوە بەقوتابیان نەك لەوێبسایتی تایبەت بەخۆیان، بۆ ئەم مەبەستە پێشنیاردەكەین بەڕێز سەرۆكی زانكۆ ئەنجامەكانی خولی دووەم پەسەند نەكات تاوەكو كۆلێژەكان ئەم پابەند دەبن بەجێبەجێكردنی ئەم خاڵەوە. ئەمەش كاریگەرییەكی زۆر ئەرێنی لەسەر بەرزبوونەوەی ڕانكی وێبسایتی زانكۆمان دەبێت.

2- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە خشتەی چاودێری كردنی مامۆستایان بۆ تاقیكردنەوەكانی خولی دووەم تەنها لە ڕێگەی وێبسایتی زانكۆوە  بڵاوبكرێتەوە، تاوەكو سەرجەم مامۆستایان بۆ زانینی ڕۆژەكانی چاودێریكردن لە هۆڵەكانی تاقیكردنەوە لە ڕێگەی وێبسایتی زانكۆ تەماشا بكەن.

3- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە خشتەی تاقیكردنەوەكانی خولی دووەم تەنها لە ڕێگەی وێبسایتی زانكۆوە  بڵاوبكرێتەوە بۆ قوتابیان.

4- ڕاسپاردنی بەرپرسی لیژنەی تاقیكردنەوەكانی سەرجەم كۆلێژەكان كە پێشكەشكردنی گازاندە لە ئەنجامی  تاقیكردنەوەكانی خولی دووەم تەنها لە ڕێگەی وێبسایتی زانكۆوە  ئەنجام بدرێت.

5- سەبارەت بە دروستكردنی ئیمەیڵی زانكۆیی بۆ سەرجەم قوتابیانی كۆلێژەكان، پێشنیار دەكەین بەرپرسی تۆماری سەرجەم كۆلێژەكان ڕابسپێردرێن بەهەمانهەنگی لەگەڵ سەنتەری ئای تی زانكۆمان، ئیمەیڵی زانكۆیی بۆ سەرجەم قوتابیان دروست بكرێت، بۆ ئەو مەبەستەش پێشنیار دەكەین پرۆسەكە لە 4/9/2017 دەست پێبكرێت تاوەكو 4/11/2017. چونكە بەپێی ڕێنماییەكانی وەزارەتی خوێندنی باڵا بۆ ساڵی خوێندنی 2017-2018 پێویستە هەموو قوتابییەك ئیمەیڵی تایبەت بەخۆی هەبێت.

6- ڕاسپاردنی سەرجەم ڕاگری كۆلێژەكان كە ڕێنمایی وەرگرتن لەسەر وێبسایتی زانكۆی سەڵاحەدین بڵاوبكەنەوە سەبارەت بەو بەشانەی كە بەشێوەی وەرگرتنی ڕاستەوخۆ قوتابی وەردەگرن.

7- سەبارەت بە دەستخستنی كۆرسبووكی بابەتەكان لەلایەن قوتابیانەوە، پێشنیار دەكەین سەرجەم كۆلێژەكان ئاگاداربكرێنەوە كەوا قوتابیانی سەرجەم بەش و قۆناغەكان ئاگادار بكەن، بۆ دەستخستنی كۆرسبووكی بابەتەكان سەردانی وێبسایتی بەڕێوەبەرایەتی دڵنیایی جۆریی زانكۆ بكەن. ئەمەش هەنگاوێكی گرنگە بۆ ئاشناكردنی وێبسایتی زانكۆ بە قوتابیان.

8- سەبارەت بە نووسراوی گشتاندنەكان، پێشنیار دەكەین بۆ لەمەودا هەوڵبدرێت نووسراوە لە ڕێگەی ئیمەیڵی زانكۆوە گشتاندنی پێبكرێت، ئەمەش یارمەتیدەرێكی باش دەبێت بۆ ئەوەی سەرجەم كۆلێژەكان ویستی بەكارهێنانی ئیمەیڵ و كردنەوەی وێبسایتی زانكۆ بەهەند وەربگرن.

9- ڕاسپاردنی ڕاگری خوێندنی باڵا كە فۆرمی پێشكەشكردنی داواكاری بۆ خوێندنی ماستەر و دكتۆرا بەشێوەی ئۆنلاین لەڕێگەی وێبسایتی زانكۆوە ئەنجام بدرێت.

10- ڕاسپاردنی ڕاگری سەرجەم كۆلێژەكان كە فۆرمی سەروانەی زێدەكی بەشێوەی ئەلیكترۆنی و ئۆنلاین پڕبكرێتەوە.

11- ڕاسپاردنی سەنتەری ئای تی زانكۆ، كە بۆ هەر مامۆستایەك سەبدۆمەینێك لەسەر وێبسایتی زانكۆ دروست بكرێت و لینك بكرێت بە پرۆفایلی مامۆستاوە، بەجۆرێك كە سەبدۆمەینی هەموو مامۆستایان پۆلێن بكرێت بەسەر كۆلێژو بەشەكاندا.

12- ڕاسپاردنی سەنتەری ئای تی زانكۆ بۆ ئەوەی كار بۆ ئەوە بكرێت كە پرۆسەی فیدباكی قوتابی بۆ ساڵی داهاتوو بەتەواوی بكرێتە ئۆنلاین و ئەلیكترۆنی.

دووەم: سەبارەت بە ئەرشیف كردنی ئەو چالاكییانەی مامۆستا كە لە پرۆسەی دڵنیایی جۆریی داواكراوە، پێشنیار كرا كە میكانیزمێكی گونجاو پەیڕەو بكرێت بەجۆرێك كە ئەو مامۆستایانەی پرۆفایلی ئەكادیمییان دروست كردووە پێویست نەكات جارێكیتر پرۆفایل دروست بكەنەوە بەڵكو تەنها ئەپدەیتی چالاكییەكانی دەكات.

سێیەم: سەبارەت بە بەرزكردنەوەی ڕانكی وێبساتی زانكۆی سەڵاحەدین، هەوڵدرا وەرگرتنەوەی ئەنجامی تاقیكردنەوەكان بكرێتە ئۆنلاین بەتایبەتی لەو كۆلێژانەی كە شارەزایی پێویستیان لەسەر پرۆسەكە نەبوو. بۆ ئەو مەبەستەش بەڕێز(م.هەردەوان مەحمود كاكەشێخ) ڕاسپێردرا، كە سیستمێك دیزاین و پرۆگرام بكات بۆ هەر لە كۆلێژی ئەدەبیات و كۆلێژی زانستە ئیسلامییەكان و كۆلێژی كشتوكاڵ تاوەكو ئەنجامەكان بەشێوەی ئۆنلاین وەربگرنەوە، كارەكان بەسەركەوتوویی ئەنجام دراو كاریگەرییەكی باشی لەسەر بەركردنەوەی ڕانكی وێبسایتی زانكۆی سەڵاحەدین هەبوو، جگە لەوەش وێبسایتی یەكەمین كۆنفرانسی زمانی سریانی كۆلێژی پەروەردەش هەر لەلایەن بەڕێزیانەوە دیزاین و پرۆگرام كرا.

چوارەم: سەبارەت بە بەدواداچوونی كارە تەكنیكییەكانی پرۆسەی دڵنیایی جۆریی، پێشنیار كرا كەوا لیژنەیەك پێكبهێنرێت بەناوی (لیژنەی بەدواداچوونی تەكنیكی پرۆسەی دڵنیایی جۆریی)، كە لەم بەڕێزانەی خوارەوە پێكهاتبێ و هەفتانە (6)شەش كاتژمێر سەروانەی زێدەكییان بۆ هەژمار بكرێت، بۆ ئەو مەبەستەش كۆلێژەكان بەم شێوەیە پۆلێنكراوە بەسەر ئەندامانی لیژنەكەدا:

ز

كۆلێژ

ئەندامانی
لیژنەی بەدواداچوونی تەكنیكی

1-

یاساو زانستە ڕامیارییەكان، پەروەردەی بنەڕەتی، پەروەردەی شەقڵاوە

د.حیدر عبدالله حداد

2-

ئەندازیاری، زانست

د.هجران  صنعان جبار

3-

زمان، ئەدەبیات، پەروەردەی مەخمور

م.هەردەوان مەحمود كاكەشێخ

4-

كشتوكاڵ، پەروەردە، پەروەردەی وەرزشی

م.ی.توانا محمد علی

5-

هونەرە جوانەكان، كارگێڕی و ئابووری، زانستە ئیسلامییەكان

م.ی. كانياو اسماعيل محمود

 

پێنجەم: سەبارەت بە دیاریكردنی بەرپرسی دڵنیایی جۆریی كۆلێژەكان و ئەندامانی دڵنیایی جۆریی بەشەكان، پێشنیاركرا كە ئەو بەڕێزانەی دادەنرێت شارەزایی پێشینەی لەسەر كارەكانی پرۆسەی دڵنیایی جۆریی هەبێت یاخود بەر لەدەستبەكاربوونی پەیوەندی بە بەڕێوەبەرایەتی دڵنیایی جۆریی بكات تاوەكو زانیارییە پێویستەكان وەربگرێت.

شەشەم: سەبارەت بە دروستكردنی ئیمەیڵی فەرمی زانكۆیی بۆ سەرجەم قوتابیان، پێشنیاركرا كە لەسەرەتای سێ مانگی یەكەمی خوێندن ئیمەیڵ بۆ تەواوی قوتابییانی زانكۆمان دروست بكرێت.

ئامادەبووانى كۆبوونەوەكە ئەم بەڕێزانەی خوارەوەبوون:

ژ

ناو

 كۆلێژی

ئیمێل

1

پ.د.نبیل عادل فخری

بەڕیوەبەر

nabil.fakhre@su.edu.krd

2

د. حيدر عبدالله حداد

زانست

Haider.haddad@su.edu.krd

3

د.هجران  صنعان جبار

زانست

hijran.jabbar@su.edu.krd

4

م.هەردەوان محمود كاكەشێخ

ئه‌ده‌بيات

hardawan@su.edu.krd

5

م.ی. كانياو اسماعيل محمود

كشتوكاڵ

kanyaw.mahmud@su.edu.krd

6

م.ی.توانا محمد علی

كشتوكاڵ

twana.ali@su.edu.krd

 

به‌م شێوه‌يه‌ دواى دوو كاتژمێر كۆبوونه‌وه‌كه‌ كۆتايى هات، لە كۆتایدا كۆبوونەوەكە داخرا.

 

م.هەردەوان مەحمود كاكەشێخ

       بڕیاردەری ليژنە       

             پ.د.نبیل عادل فخری

             بەڕێوەبەری دڵنیایی جۆری زانكۆ

 

Leave a Reply

Your email address will not be published. Required fields are marked *